Տանը մենակ 2։ Նյու Յորքում կորածը (1992)

Այս անգամ Մակկալլիստերների ընտանիքը որոշում է Ամանորը դիմավորել Մայամիում և ուղևվորվում է Ֆլորիդա: Ամանորի շեմին, դպրոցի ամանորյա համերգի ժամանակ Բազզը բոլորի աչքի առաջ Քեյվինին իր իսկ մեներգի ժամանակ ստորացնում է, որի պատճառով էլ Քեյվինը խափանում է համերգը և վրեժից ելնելով Բազզին հրում և գցում է։ Տանը Բազզը հրապարակայնորեն ներողություն է խնդրում Քեյվինից, բայց Քեյվինին թվում է, թե այդ ամենը պարզապես կեղծավորություն է։ Քեյվինը ընտանիքի անդամներին ասում է այն ամենը, ինչ մտածում էր իրենց ուղևորության մասին (նա չէր ցանկանում ամանորը նշել այնտեղ, որտեղ չկան տոնածառեր), որի պատճառով էլ նորից պատժվում է և ուղարկվում երրորդ հարկ գիշերելու։ Հաջորդ օրը, ինչպես նախորդ անգամ, Մակկալլիստերների ընտանիքը հազիվ է հասցնում արթնանալ և չուշանալ ուղևորությունից։ Սակայն, Քեյվինը այս անգամ հետ չի ընկնում իր ընտանիքից։ Օդանավակայանում նա մեկ րոպեով կանգ է առնում, որպեսզի լեցքավորի ձայնագրիչը և պատահաբար խառնում է իր հորը մի տղամարդու հետ, որ իր հոր նման էր հանգված և նրան հետևելով նստում է ինքնաթիռ, մեկնում Նյու Յորք, իսկ ընտանիքի անդամներիը՝ Ֆլորիդա։