Լուսէ / Luse (Սերիա 1-14) (2026)

Լուսէ բազմասերիանոց հեռուստաֆիլմը հայրենասիրության մասին է, արատավոր երևույթների ՝ հայրենքի դավաճանության, թրաֆիքինգի դեմ պայքարի։ Կռվի դաշտում դավաճանության հետևանքով զոհվում են շատ զինվորներ։ Ալեքի ընկերը ՝ Կարենը ծանր վիրավորում է ստանում, Ալեքը վրա է հասնում, որ փորձի օգնել ընկերոջը, սակայն ընկերը հասցնում է ասել երկու բան, որ իրենք դավաճանության զոհ են դարձել, ու որ Ալեքը պետք է ստանձնի իր փոքր քրոջ խնամքը։ Նույն պահին պայթյուն է տեղի ունենում, Կարենը փրկելով ընկերոջ կյանքը՝ մահանում է, իսկ Ալեքը կորցնում է գիտակցությունը։ Նույն պահին Ալեքի ընկերոջ՝ Կարենի տատիկը մահանում է 9-ամյա թոռնուհու աչքի առաջ՝ միայնակ թողնելով երեխային։ Օրեր անց Ալեքը ուշքի է գալիս հիվանդանոցում։ Այդ ընթացքում Ալեքը գնում է գյուղ ՝ կատարելու ընկերոջ վերջին ցանկությունը։ Պարզում է, որ երեխայի տատիկը մահացել է և երեխային տեղափոխել են մանկատուն։ Ալեքը իմանում է, որ Լուսեն փախել է մանկատնից։ Ալեքի փնտրտուքներին զուգահեռ ներկայացվում է փողոցում հայտնված Լուսեի ծանր ու դժվարին վիճակը։ Աղջիկը հայտնվել է մարդկանց ձեռքին, ովքեր շահագործում են երեխաներին՝ ստիպելով մուրացկանություն անել, գողությամբ զբաղվել։